ليتك تشوف الحال

ليتك يومنك مضمر الصد عني

-

مقبلت يمي ضاحكٍ ثم صديت

-
ماجيت يالغالي على خمن ظني

-

ولعتني يامهجة الروح وأقفيت

-
احرمتني حتى حلاة التمني

-

وخليتني بعدك لاحيٍ ولاميت

-
ليتك ا تشوف الحال وش لون كني

-

بعدك تخبٌطني ا يدين العفاريت

-
والله لونٍي ثم والله لوٍني

-

ا ليا ندهتك قلت لبيه ناديت
-

لاشك ميئس كل صدك تجني

-

ومن صد مقفي مارجع لوتحريت

-
والله مدري شالذي حل مني

-

غير الغلا اللي لك بذرته ولاسقيت

-
يادمعتي في محجر العين كني

-

كني كما سرٍ عن الناس كنيت

-
ويانفس كم لي أنصحك لاتحني

-

مجبر اليا هزك له الشوق حنيت

-
يكفي عليك بدرب شوقك تعني

-

كثر التردد بين عله وياليت

الدرة الثمينة

أكتبي حرفك على طرقٍ تبينه

-

ينتشي لك حرف معشوقك طرب

-

أفصحي له عن مشاعرك الدفينة

-

لاعجب ان شاف في حرفك عجب

-

أشهد ان قلبه غدا عندك رهينة

-

يارفيق الحرف حرفك من ذهب

-

يارفيق الحرف يالدرة الثمينة

-

لاترد بصد في وجه المحب

-

أبتسم له لاكسا الليل السكينة

-

مايسًره تالي الليل العتب

-

رش هتًانك على جو المدينة

-

لاسكن في تالي الليل الصخب

-

والله أنك لوعرفتي في حنينه

-

ماتعجبتي بحرفٍ لك كتب

-

يدفعه شوقه لحرفٍ تكتبينه

-

كنه ايجره على نار اللهب

-

وانك أنتي من غلاتك نون عينه

-

وانه اللي ضف جرحه محتسب

-

ضف جرحه عنك خايف تنكرينه

-

ولاُ قلبه من غلاكم منعطب

لحظة وداع

قمت اتذكرما مضى سالف الوقت

يوم الليالي سامحة لي بوقتي

فرحة ربوع وموادعة ليلة السبت

ساعة وقفت ماشي وانتي وقفتي

لحظة بها سيطر على وضعنا الصمت

تاه الكلام ما بين صمتك وصمتي

قلت الوداع ودوب ماوحيت تمتمت

ودك تقولي شيء لكن سكتي

قلت لا تقولي لو قدرت وتحملت

اظهرت لك اللي بصدرك كتمتي

تكفيني الدمعة على خدك البفت

اللي بأناملك الدقيقة مسحتي

في لحظة فيها تمنيت لو مت

ولا شوف دمعٍِ من عيونك ذرفتي

جرح بقا مكنون بالقلب ما عشت

رحتي ورحنا وباقي الجرح وانتي

عزاي في ذكراك يا هاجسي انت

وعزاي ذكرى لا جلستي وقمتي

جنة حيااتي

آااااه ليتك تسمعي آاخر آهات العنيد
قاتله لوعة غرامك آه ليتك تسمعي

أعلن الشكوى ينادي راضيٍ باللي تريد
لك ينادي أسرعي له مات منًك أسرعي

أسعفيني من حنانك مابقا عندي قصيد
والله اني مقدر أكتب كان ماكنتي معي

الحقيقة تاه فكري سبة الوضع الجديد
لو قربتي لي سمعتي رجفة قلبي بأضلعي

آآآآآه ياجنة حياتي آه يانبض الوريد
ما نعيش بدون همسك ليت في وضعي تعي

تسأليني وش هو وضعي يوم نظرتك من بعيد
طحت يوم أقفت مراكبكم بكم فاقد وعي
ثم بكيتك ايه بكيتك قلبي ماهو من حديد
ولاملامة يوم عليك العين تمطر بأدمعي
أسعفيني وارجعي لي وضعك اللي به سعيد
أسرعي من قبل لا تفأجئك قصة مصرعي
والله اني خايف اني مابقا بصبري مزيد
وانها آخر قصيدة في حروف موُدعي

يامدعي بالمعرفة

يامدعي بالمعرفة أسمعها من رأس ابدوي
طرق مجاهيل المعارف لين طاح استارها

لاسيف إلا ذي الفقار ولافتى إلا علي
أنعم بمن خاض المعارك لين شق غبارها

ابا الحسن هو سيد خلق الله وهو صهر النبي
وسلالته هم سادة أهل الدين وهم أنوارها

ماني على نهج الرفض ويزيد ماهو لي ولي
أحب آل البيت واكبار الصحاب اخيارها

صدُيقها وفاروقها والثالث عثمان السخي
تلك النجوم الساطعة اللي علا مقدارها

هذا اعتقادي بدنيتي وهذا طريقي و منهجي
يالله السلامة ساعة فيها تباح أسرارها

ولًا زمانك فتنة فيها الصراع المذهبي
ينفخ على أمة لاإله الا الله مشعل نارها

تفرقوا في كل شيء ماغير في ترك اللحي
حتى تشابه باللحي اخيارها وأشرارها

وكل يقول انه على نهج الصراط ومهتدي
ويبًشر اللي يتبعه بالجنة وبنهارها

عزالله انا في زمانٍ كل مايجيبه ردي
وأشراطها اللي دونت قامت تهل أخبارها

خذها نصيحة صادقة خلك على الدرب الهدي
لايتعٌبك ماحل في دنياك وفي عمًارها

الزم كتاب الله وماقال الرسول به أقتدي
أسلم بنفسك ماعليك لوهو كثر كفارها

وخلك على ساعة تبي تدني المطايا محتري
وأعلم ترى لابد من يومٍ يجي مسيارها