عذبة الإحساس

ياعذبة الإحساس والخاطر السمح

تعْبت احاسيس الذي يحترونك
جودي علينا بكلمةٍ تشفي الجرح

لدام تضحك بالمحبة اعيونك

أحس بعيونك غلاكْثر من الشرح

بس وافني بالهرج واقول عونك

استنت افواج الأماني لكم مرح

تسعى لكم ترجي تحرك سكونك

المسألة ماتحوج الجمع والطرح

مثلك اذا ماجيتهم هم يجونك

والله مابالغيد من يشبهك لمح

تصعب عليهم لوبغو ا يشبهونك

شتان بين الهرج والجد والمزح

وين الجمال الصدق ان مايكونك

بالمختصر حوريةٍ شوفها فرْح

يركض لك المشتاق ويطيح دونك

ملوحوظة
(استنت بتشديد النون كلمة تطلق على الإبل عندما تجري والمرح الجري)

نسيتك

أنا اللي ظالمه وقته وانا اللي بحبكم مظلوم

وانا اللي فاض غيضه من خطا ك ولحتمل دمحه

انا لوقلت احبك وش تفيد محبة المهزوم

تزيد جروح قلبه كل مايذكرسبب جرحه

اناتبقى لي النفس العزيزة وقلبي المحروم

نموت ولانشوف النفس في رجواك منطرحه

وداعة ياحبيبة أمس وداعة ياعروس اليوم

وداعه دام غيري في يدينه يرفع الطرحه

نسيتك لوهمومي من فراقك زايدة بهموم

نسيتك لوسبب نسيانك أنسى نفسي الفرحه

نسيتك لوبقا جرحٍٍ بقلبي ماندوم يدوم

نسيتك لوبقت نفسي بسبب فرقاك من جرحة

نسيتك لوتراجعتي ولو يقفى العلوم اعلوم

ولو كبرتي ابعذرك ولوطولتي ابشرحه

نسيتك لوتمنيتك نسيتك لوهجرن النوم

نسيتك رغم نسيانك قتلبي نفسي المرحة