صرخة طفل

أكثر مشاكل دنيتي اني أحاسيس وشعور

---
واني مثل وجه المراية اي شيء يبين به

---

وان البراءة خطوتي والحب هو جسر العبور

---
واني اذا حسيت من غيري غرام أهيم به

---
ياناس انا مثل الفراش اللي غرامه بالزهور

---
لو كان في رأس الجبل شذى رحيقه يجذبه

---
عطني محبة صادقة عطني حقوقي بالسرور

---
وأعطيك بسمه مشرقة معها شقاوة معجبة

---
انا الطفل اللي غذاه الحب في كل العصور

---
انا الصغير اللي المحبة له حقوقِِ موجبة

---
ليه الطفولة تدفع أخطاء الكبار ظلمِِ وجور

---
وش ذنبها تدفع ضريبة للظروف المتعبة

---
اذا المحبة بينكم ماعاد بها خطوة مرور

---

لاتحملوا طفولتي بالذكريات المرعبة

---